അനശ്വരനായ വയലാർ

ഈ ഭൂമിയിൽ ജീവിച്ചു കൊതി തീരാത്ത വയലാർ നല്പത്തിയേഴാമത്തെ വയസ്സിൽ അന്തരിച്ചു. നാല്പത്തിയാറു വർഷം കഴിഞ്ഞിട്ടും വയലാർ ഗാനങ്ങൾക്കു ആയിരം പാദസരങ്ങളുടെ കിലുക്കമുണ്ട്. പദരചനയുടെ സംഗീതവും ബിംബകല്പനകളുടെ കാവ്യാത്മകതയും ഇതൾ വിരിയുന്ന വയലാർ ഗാനങ്ങൾക്ക് ഇന്നും എന്നും സൗന്ദര്യവും സൗരഭ്യവുമുണ്ട്.

* ചക്രവർത്തിനീ നിനക്കു ഞാനെന്റെ ശില്പ ഗോപുരം തുറന്നു;

* ശംഖുപുഷ്പം കണ്ണെഴുതുമ്പോൾ ശകുന്തളേ നിന്നെ ഓർമ്മവരും;

* നദികളിൽ സുന്ദരി യമുന;

* സൂര്യ കാന്തീ സൂര്യകാന്തീ സ്വപ്നം കാണുവതാരേ;

* കാറ്ററിയില്ല കടലറിയില്ല അലറും തിരയുടെ വേദന ;

* കടലിനക്കരെ പോണോരേ കാണാ പൊന്നിനു പോണോരേ;

* പെണ്ണാളേ പെണ്ണാളേ കരിമീൻ കണ്ണാളേ –

എന്നിങ്ങനെ കേട്ടാലും കേട്ടാലും മതിവരാത്ത വയലാർ ഗാനങ്ങൾ മലയാളത്തിന്റെ നിത്യ വസന്തമാണ്.

ഭാരതീയ സംസ്ക്കാരിക പാരമ്പര്യത്തിൽ ഊറ്റം കൊള്ളുന്ന കവിയെയാണ് നാം “സർഗ്ഗ സംഗീത”ത്തിൽ കാണുന്നത്. വൈവിദ്ധ്യമാർന്ന കവിതകൾ ഹിന്ദു മുസ്ലിം ക്രൈസ്തവ സങ്കല്പങ്ങൾക്കു മാറ്റു കുട്ടുന്നു.

കവിയുടെ തീവ്ര വികാരം തുടിക്കുന്ന മാടവനപ്പറമ്പിലെ ചിത, ആത്മാവിലൊരു ചിത എന്നീ കവിതകൾ അവിസ്മരണീയങ്ങളാണ്. “ബലികുടീരങ്ങളേ” എന്ന ഗാനം ഇന്നും എപ്പോഴും എവിടെയും കേൾക്കാം. “മനുഷ്യൻ മതങ്ങളെ സൃഷ്ടിച്ചു” എന്ന ഗാനത്തിനു ദേശീയ പുരസ്ക്കാരം ലഭിച്ചു.

കഴിഞ്ഞ 46 വർഷമായി അഭംഗുരം നടക്കുന്ന വയലാർ സാഹിത്യ അവാർഡ് ഒക്ടോബർ 27ാം തീയതി 5 മണിക്ക് തിരുവനന്തപുരം നിശാഗന്ധി ആഡിറ്റോറിയത്തിൽ വച്ചു എസ്. ഹരീഷിന് സമ്മാനിക്കുന്നു.

കുളിർമ്മയും സുഗന്ധവും മധുരവുമാർന്ന വയലാറിനെക്കുറിച്ചുള്ള ഓർമ്മകൾക്കു മുമ്പിൽ ഞാൻ പുഷ്പചക്രം സമർപ്പിക്കുന്നു.

പ്രൊഫ.ജി.ബാലചന്ദ്രൻ

Share Post

Leave a Comment

Your email address will not be published. Required fields are marked *

Recent Post

വി കമലാസനൻ, പാർവ്വതി,തത്തംപള്ളി: ‘ഇന്നലെയുടെ തീരത്ത്’ വായിച്ചവസാനിപ്പിക്കുമ്പോള്‍ മനസ്സില്‍ പ്രതിധ്വനിച്ചത് സാനുമാസ്റ്ററുടെ നിരീക്ഷണമാണ്. ആത്മകഥ എന്ന സാഹിത്യവിഭാഗത്തിലൊതുങ്ങുന്നതല്ല രസപ്രദമായ ഈ ഗ്രന്ഥം. സാഹിത്യത്തിന്റെ നിര്‍ണ്ണീതമായ എലുകാവിവക്ഷകള്‍ക്കൊന്നും വിധേയമായിട്ടല്ല, ആഖ്യാനഗതി. എന്നാല്‍ കൃത്രിമമായി സാഹിത്യചാരുത ചേര്‍ക്കാനുള്ള

താൻ എഴുതിയ തൻ്റെ ജീവനചരിതമാണ് ആത്മകഥ. അന്നോളമുള്ള ജീവിത സർവ്വസ്വത്തേയോ പ്രമുഖ ഭാഗത്തേയോ ശകലങ്ങളേയോ വിനിയോഗിച്ച് അയാൾക്ക് ആത്മകഥ എഴുതാം. താൻ ജീവിച്ചതൊക്കെ മറ്റുള്ളവരുമായി വാങ്മയ കലയിലൂടെ പങ്കു വെയ്ക്കലാണ് ആത്മകഥ. വിപുലമായ സാംസ്കാരിക