ഇന്ത്യൻ റിപ്പബ്ലിക്ക്നമ്മുടെ അഭിമാനം


ഇന്ത്യ സ്വതന്ത്ര പരമാധികാര റിപ്പബ്ലിക്കായിട്ട് 73 വർഷമായി. ഇന്ത്യൻ ഭരണ സംവിധാനത്തിന് ഭരണഘടനയിലൂടെ അടിത്തറയിട്ടത് ഡോ. അംബേദ്ക്കറിന്റെ നേതൃത്വത്തിലുള്ള പ്രതിഭാശാലികളാണ്. ലോകം കണ്ടിട്ടുള്ളതിൽ വച്ച് ഏറ്റവും ശ്രേഷ്ഠമാണ്
ഇന്ത്യൻ ജനാധിപത്യം. 142 കോടി ജനങ്ങളുള്ള ഇന്ത്യയിൽ ജനാധിപത്യം ഉറച്ചു നില്ക്കുന്നത് ലെജിസ്ലേച്ചർ, എക്സിക്യൂട്ടീവ്, ജുഡീഷ്യറി, മാദ്ധ്യമങ്ങൾ എന്നീ നാലു നെടും തൂണുകളിലാണ്. വൈവിദ്ധ്യവും വൈരുദ്ധ്യവും നിറഞ്ഞാടുന്ന ജനാധിപത്യത്തെ അടക്കി ഭരിക്കുന്നത് കേവലമായ കണക്കുകളും,അക്കങ്ങളുമാണ്. ആളും അർത്ഥവും ആരവവും മുഴക്കി ആൾക്കൂട്ടത്തിൻ്റെ വിരലടയാളം കൂടുതൽ പതിഞ്ഞു കിട്ടുന്നവർ സാമാജികരാകുന്നു. വിവിധ സഭകളിൽ മാന്ത്രിക സംഖ്യ കൂടുതലുള്ള പർട്ടിക്കാർ ചേർന്ന് മന്ത്രിസഭയുണ്ടാക്കുന്നു. കള്ളവോട്ടും തിരഞ്ഞെടുപ്പ് കൃത്രിമങ്ങളും TN ശേഷൻ കമ്മീഷണറായ കാലം തൊട്ട് ക്രമാനുഗതമായി കുറഞ്ഞിട്ടുണ്ട്. തിരഞ്ഞെടുപ്പ് സമ്പ്രദായം ഇലക്ട്രോണിക് വോട്ടിംഗ് മെഷീനിലേക്ക് വഴിമാറിയത് തിരഞ്ഞെടുപ്പ് പ്രക്രിയ കൂടുതൽ ലളിതമാക്കി. ആദ്യമായി വോട്ടിംഗ് യന്ത്രം ഉപയോഗിച്ചത് കേരളത്തിൽ പറവൂരിലായിരുന്നു. കാലക്രമേണ ആ പരീക്ഷണം രാജ്യവ്യാപകമായി പ്രയോഗത്തിൽ വന്നു. ആധാർ കാർഡുമായി ഇലക്ഷൻ തിരിച്ചറിയൽ കാർഡ് ബന്ധിപ്പിക്കുമ്പോൾ കുറച്ചുകൂടി ഇരട്ട വോട്ടുകൾ തടയാനാകും.
വിദൂര സ്ഥലങ്ങളിൽ ഉള്ളവർക്ക് വോട്ടുരേഖപ്പെടുത്തുവാനുള്ള പദ്ധതികൾ ഇലക്ഷൻ കമ്മീഷൻ ആസൂത്രണം ചെയ്തു വരുന്നു. വരും നാളുകളിൽ പ്രവാസികൾക്കും അവിടിരുന്നു കൊണ്ട് സ്വന്തം നാട്ടിലെ സ്ഥാനാർത്ഥികൾക്കു വോട്ടുചെയ്യാനാകും.
കാലുമാറ്റവും കൂറുമാറ്റവും ഭരണ അട്ടിമറിയും കോടികളുടെ പിൻബലത്തിൽ രാജ്യത്തു നടമാടുന്നത് ജനാധിപത്യത്തിനു ഭൂഷണമല്ല. മുന്നണികൾ രൂപം കൊണ്ടപ്പോൾ ജാതിയും മതവും പാർട്ടിയും സ്വാധീനത്തിനു വിത്തു വിതച്ചു. കൈക്കൂലിയും അഴിമതിയും പോലീസ് രാജും ഗുണ്ടാവിളയാട്ടവും വർഗ്ഗീയതയും ഇവിടെ അരിയിട്ടു വാഴ്ച നടത്തുന്നത് അവസാനിപ്പിക്കണം. ജുഡീഷ്യറിയാണ് ഇതിനൊക്കെ ഒരു രക്ഷാകവചമായി നില്ക്കുന്നത്. പുരോഗതിയിലേക്ക് കുതിക്കുമ്പോഴും പാവപ്പെട്ടവരും പണക്കാരും തമ്മിലുള്ള അന്തരം വർദ്ധിക്കുന്നത് ശുഭകരമല്ല. രാജ്യത്ത് കൂടിവരുന്ന ദാരിദ്ര്യവും അസമത്വവും അവസാനിപ്പിക്കേണ്ടത് അത്യാവശ്യമാണ്. വർഗ്ഗീയതയും അതിർത്തിക്കപ്പുറത്ത് നിന്നുള്ള ഭീകര പ്രവർത്തനവും ചെറുത്തു തോൽപ്പിക്കാൻ നാം കൈകോർക്കണം. ഭൂരിപക്ഷ വർഗ്ഗീയതയും നൂനപക്ഷ വർഗ്ഗിയതയും രാജ്യത്തിന് ആപത്താണെന്ന് നാം തിരിച്ചറിയണം.

ഇത്തവണ സ്ത്രീ ശാക്തീകരണത്തിന്റെ മുദ്രാവക്യവുമായിട്ടാണ് രാജ്യം റിപ്പബ്ലിക്ക് ദിനം ആഘോഷിക്കുന്നത്. ഇന്ത്യയുടെ അന്തസ്സും അഭിമാനവും കാത്തുരക്ഷിക്കാൻ ധർമ്മചക്രാങ്കിതമായ ത്രിവർണ പതാകയുയർത്തി നമുക്കും ഏറ്റവും വലിയ ജനാധിപത്യ രാജ്യത്തിൻ്റെ പരമാധികാര ദിനം ആഘോഷിക്കാം. ആശംസകളോടെ.

പ്രൊഫ.ജി.ബാലചന്ദ്രൻ
#republicday2023
#profgbalachandran

Share Post

Leave a Comment

Your email address will not be published. Required fields are marked *

Recent Post

വി കമലാസനൻ, പാർവ്വതി,തത്തംപള്ളി: ‘ഇന്നലെയുടെ തീരത്ത്’ വായിച്ചവസാനിപ്പിക്കുമ്പോള്‍ മനസ്സില്‍ പ്രതിധ്വനിച്ചത് സാനുമാസ്റ്ററുടെ നിരീക്ഷണമാണ്. ആത്മകഥ എന്ന സാഹിത്യവിഭാഗത്തിലൊതുങ്ങുന്നതല്ല രസപ്രദമായ ഈ ഗ്രന്ഥം. സാഹിത്യത്തിന്റെ നിര്‍ണ്ണീതമായ എലുകാവിവക്ഷകള്‍ക്കൊന്നും വിധേയമായിട്ടല്ല, ആഖ്യാനഗതി. എന്നാല്‍ കൃത്രിമമായി സാഹിത്യചാരുത ചേര്‍ക്കാനുള്ള

താൻ എഴുതിയ തൻ്റെ ജീവനചരിതമാണ് ആത്മകഥ. അന്നോളമുള്ള ജീവിത സർവ്വസ്വത്തേയോ പ്രമുഖ ഭാഗത്തേയോ ശകലങ്ങളേയോ വിനിയോഗിച്ച് അയാൾക്ക് ആത്മകഥ എഴുതാം. താൻ ജീവിച്ചതൊക്കെ മറ്റുള്ളവരുമായി വാങ്മയ കലയിലൂടെ പങ്കു വെയ്ക്കലാണ് ആത്മകഥ. വിപുലമായ സാംസ്കാരിക