ഇന്ദിരാ ഗാന്ധി -ഇന്ത്യയുടെ ഉരുക്ക് വനിത


ഇന്ദിരയുടെ ഉയർച്ചയും പതനവും തിരിച്ചു വരവും ഒടുവിലുണ്ടായ രക്തസാക്ഷിത്വവും ഭാരത ചരിത്രത്തിലെ അവിസ്മരണീമായ ഒരേടാണ്. നിശ്ചയദാർഢ്യം കൊണ്ടും കർമ്മ മഹിമ കൊണ്ടും അവർ നേടിയെടുത്ത ലോകത്തിലെ ഉരുക്കുവനിത എന്ന കീർത്തി ഏറെ അഭിമാനകരമായിരുന്നു.
അച്ഛനും മുത്തച്ഛനും സ്വാതന്ത്ര്യ സമരത്തിന്റെ മുന്നണിയിലേക്കു എടുത്തു ചാടി ജയിലറയിലായി. രോഗിണിയായ അമ്മയുടെ അടുത്തു പോകാൻ പോലും അനുവദിക്കാതിരുന്ന ഇന്ദിരാ പ്രിയദർശിനി കുരുന്നായിരുന്നപ്പോൾത്തന്നെ വാനരസേനയുണ്ടാക്കി സ്വാതന്ത്ര്യ സമരത്തിന്റെ ഭാഗമാകാൻ വ്യഗ്രത കാണിച്ചു.
അടിയന്തിരാവസ്ഥക്കാലമൊഴിച്ചാൽ ഇന്ദിരയുടെകാലം രാജ്യത്തിന്റേയും കോൺഗ്രസ്സിന്റേയും സുവർണ്ണകാലമായിരുന്നു. അവർ മുന്നോട്ടുവച്ച “ഗരീബി ഹഠാവോ” എന്ന മുദ്രാവാക്യം പ്രസിദ്ധമാണ്. ബാങ്ക് ശേസാൽക്കരണം , രാജാക്കൻമാരുടെ പ്രിവിപഴ്സ് നിർത്തലാക്കൽ തുടങ്ങി എത്രയെത്ര ഭരണ പരിഷ്കാരങ്ങളാണ് അവർ നടത്തിയത്.
സിക്ക് തിവ്രവാദത്തിന്റേ മുനയൊടിച്ചതും പാക്കിസ്ഥാന്റെ ചിറകിൽ കീഴിൽ നിന്ന് ബംഗ്ലാദേശിനെ മോചിപ്പിച്ചതും ഇന്ദിരാ ഗാന്ധിയുടെ വീരോചിത കർമ്മകാണ്ഡങ്ങളിൽ എടുത്തു പറയേണ്ട ധീരകൃത്യങ്ങളാണ്. പാക് യുദ്ധകാലത്ത് ഏഴാം കപ്പൽപ്പടയെ ഇറക്കുമെന്ന അമേരിക്കയുടെ തിട്ടൂരത്തെ അറബിക്കടലിൽ എറിഞ്ഞ ഇന്ദിര ഇന്ത്യയുടെ ഉരുക്ക് വനിതയായി.
ഭാരതത്തിന്റെ അഖണ്ഡതയും മതേരത്വവും ജനാധിപത്യവും കാത്തുസൂക്ഷിച്ച ഇന്ദിരയുടെ മരണം 38 വർഷം കഴിഞ്ഞിട്ടും ഇപ്പോഴും നമ്മുടെ കണ്ണുകളെ ഈറനണിയിക്കുന്നു.സ്വന്തം അംഗരക്ഷകരുടെ വെടിയേറ്റു രക്തസാക്ഷിത്വംവരിച്ച ഇന്ദിരയ്ക്ക് മരണമില്ല. ഇൻഡ്യയെ സ്നേഹിച്ച,ഇന്ത്യക്കാർ സ്നേഹിച്ച ഇന്ദിര ദൃഢനേതൃത്വത്തിന്റെ ധ്രുവ നക്ഷത്രമാണ്.

പ്രൊഫ.ജി.ബാലചന്ദ്രൻ

Share Post

Leave a Comment

Your email address will not be published. Required fields are marked *

Recent Post

വി കമലാസനൻ, പാർവ്വതി,തത്തംപള്ളി: ‘ഇന്നലെയുടെ തീരത്ത്’ വായിച്ചവസാനിപ്പിക്കുമ്പോള്‍ മനസ്സില്‍ പ്രതിധ്വനിച്ചത് സാനുമാസ്റ്ററുടെ നിരീക്ഷണമാണ്. ആത്മകഥ എന്ന സാഹിത്യവിഭാഗത്തിലൊതുങ്ങുന്നതല്ല രസപ്രദമായ ഈ ഗ്രന്ഥം. സാഹിത്യത്തിന്റെ നിര്‍ണ്ണീതമായ എലുകാവിവക്ഷകള്‍ക്കൊന്നും വിധേയമായിട്ടല്ല, ആഖ്യാനഗതി. എന്നാല്‍ കൃത്രിമമായി സാഹിത്യചാരുത ചേര്‍ക്കാനുള്ള

താൻ എഴുതിയ തൻ്റെ ജീവനചരിതമാണ് ആത്മകഥ. അന്നോളമുള്ള ജീവിത സർവ്വസ്വത്തേയോ പ്രമുഖ ഭാഗത്തേയോ ശകലങ്ങളേയോ വിനിയോഗിച്ച് അയാൾക്ക് ആത്മകഥ എഴുതാം. താൻ ജീവിച്ചതൊക്കെ മറ്റുള്ളവരുമായി വാങ്മയ കലയിലൂടെ പങ്കു വെയ്ക്കലാണ് ആത്മകഥ. വിപുലമായ സാംസ്കാരിക