ശ്രീ ബുദ്ധനെ പരിഹസിക്കാൻ ചില കുബദ്ധികൾ തയ്യാറായി. അവർ ബുദ്ധനോടു ചോദിച്ചു:’ സ്വാമിൻ “നിർവേദം” എന്നു വച്ചാലെന്താണ്? . അത് കുളിക്കുമ്പോൾ തോന്നുന്ന കുളിർമ്മയാണോ,’ മൃഷ്ടാന്നഭോജനത്തിനു ശേഷമുള്ള മയക്കമാണോ? ‘
ബുദ്ധൻ മറുപടിയായി ഒരു കഥ പറഞ്ഞു. “ഒരു പുരയ്ക്ക് തീപിടിച്ചു. അകത്തിരുന്നയാൾ അതറിഞ്ഞില്ല. അഗ്നിയിൽ പെട്ട് തകരുന്ന വീട്, അതിനകത്ത് വെന്തു മരിക്കാൻ പോകുന്ന ഗ്യഹനാഥൻ. അയാളെയെങ്കിലും രക്ഷിക്കാമെന്നു കരുതി ഓടിവന്നവരോട് ഗ്യഹനാഥന്റെ ചോദ്യം ഇങ്ങനെ: “പുറത്തു ചൂടാണോ? തണുപ്പാണോ?” എന്നു ചോദിച്ചാൽ എന്തു ചെയ്യും. അയാളുടെ മനോഭാവം പോലെയാണ് നിങ്ങളുടെ ചോദ്യം.” ശ്രീബുദ്ധൻ തുടർന്നു “നിർവ്വേദം നിസ്സാരമായ വിഷയ സുഖത്തോടുളള വിരക്തിയാണ്.”
കുബുദ്ധികൾ ലജ്ജിച്ചു തല താഴ്ത്തി.
പ്രൊഫ.ജി.ബാലചന്ദ്രൻ
ഗ്രീസിലെ ഏറ്റവും വലിയ ദുരന്ത നായകൻ
ഗ്രീസിലെ തീബ്സ് രാജ്യം ഐശ്വര്യ സമ്പൂർണ്ണമായിരുന്നു. ലായിയൂസ് രാജാവും രാജ്ഞിയും രാജ്യത്തേയും ജനങ്ങളേയും പരിപാലിച്ചു. അവർ രാജ്യത്തെ സ്വർഗ്ഗമാക്കി. രാജാവിനും രാജ്ഞിയ്ക്കും ഒരു തീരാ ദുഃഖം മാത്രം. അവർക്ക് സന്താനങ്ങളില്ല. പൂജയും പ്രാർത്ഥനകളുമൊക്കെ നടത്തി
August 28, 2024
