കിഴക്കിൻ്റെ വെനീസായ ആലപ്പുഴയും ഇറ്റലിയിലെ യഥാർത്ഥ വെനീസും

ആലപ്പുഴ കിഴക്കിന്റെ വെനീസാണെന്നു പറയുമ്പോള്‍ യഥാര്‍ത്ഥ വെനീസ് എന്താണെന്ന് അറിഞ്ഞിരിക്കണമല്ലോ. 2012-ല്‍ ആ നാടുകാണാന്‍ എനിയ്ക്കു ഭാഗ്യം ലഭിച്ചു.! വെനീസിലൂടെ ഒരു ഓട്ടപ്രദക്ഷിണം എന്നുപറയാം. പുണ്യനഗരമായ റോമില്‍ നിന്ന് മൂന്നര മണിക്കൂര്‍ ട്രെയിന്‍ യാത്രയേയുള്ളു വെനീസിലേക്ക് . ‘ സാന്റോലൂസിയാ റെയില്‍വേസ്റ്റേഷനില്‍ നിന്ന് പുറത്തിറങ്ങിയാല്‍ തൊട്ടുമുന്നില്‍ ഗ്രാന്റ് കനാലാണ്. അവിടെ വെനീസ് എന്ന മെഡിറ്ററേനിയൻ റാണി നമ്മെ സ്വാഗതം ചെയ്യുന്നു. !

ഇറ്റാലിയൻ വെനീസിന്റെ ജീവരക്തമോടുന്നത് കനാല്‍ ഞരമ്പുകളിലൂടെയാണ്. വള്ളങ്ങളില്‍ യാത്ര ചെയ്ത് വെനീസിന്റെ സൗന്ദര്യമാസ്വദിക്കാം. പഴയ തെരുവുകളിലെ പുരാതന കെട്ടിടങ്ങളെല്ലാം ആകര്‍ഷകമാണ്. ഹോട്ടലില്‍ നിന്നും വാതില്‍ തുറന്നാല്‍ കാലെടുത്തു വയ്ക്കുന്നത് കനാലിലേക്കാണ്. യാത്രാ ബോട്ടുകളും നിരവധിയുണ്ട്. കനാലിന്റെ അരികിലെല്ലാം വഞ്ചികള്‍ കെട്ടിയിട്ടിരിക്കുന്നതും കാണാം.! . വെനീസിന്റെ ഉത്ഭവത്തോളം ചരിത്രമുണ്ട് ആ കൊതുമ്പുവള്ളങ്ങള്‍ക്കെല്ലാം! . 118 ദ്വീപുകള്‍ ചേര്‍ന്നതാണ് വെനീസ്. കടല്‍ വഴിയുള്ള ആക്രമണത്തില്‍ നിന്ന് രക്ഷ നേടാനായി അവർ നിരവധി സുരക്ഷിത താവളങ്ങള്‍ സൃഷ്ടിച്ചു. അങ്ങനെ രൂപപ്പെട്ടതാണ് വെനീസ്. ഒരു ആശ്രമത്തിന്റെ ശാന്തതയും ശീതളിമയുമാണെനിക്കവിടെ അനുഭവപ്പെട്ടത്. ദൂരക്കാഴ്ചയിൽ കറുത്ത അരയന്നങ്ങളെന്നു തോന്നുന്ന ഒട്ടനവധി വള്ളങ്ങൾ! , ‘ഗൊണ്ടോലകള്‍’ എന്നാണ് ആ വള്ളങ്ങൾ അറിയപ്പെടുന്നത്. വള്ളങ്ങളിലൂടെയുള്ള ജല യാത്രകളില്‍ വെനീസിന്റെ ആത്മാവിന്റെ മര്‍മ്മരം കേൾക്കാം, കണ്ണഞ്ചിപ്പിക്കുന്ന കാഴ്ചകൾ കാണാം. കനാലിന്റെ തീരത്ത് സുപ്രസിദ്ധമായ ഒരു ഗ്ലാസ്സ് മ്യൂസിയമുണ്ട്. മനോഹരമായ കെട്ടിടത്തിലാണ് മ്യൂസിയം പണി കഴിപ്പിച്ചിരിക്കുന്നത്. . പല രാജ്യങ്ങളിൽ നിന്നുമുള്ള വര്‍ണ്ണഭംഗിയുള്ള വൈവിദ്ധ്യമാര്‍ന്ന ഗ്ലാസ്സ് സാമഗ്രികളും. സ്ഫടിക നിര്‍മ്മിതികൾക്കും പേരുകേട്ടതാണ് ഈ നഗരം.

വെനീസ് റിപ്പബ്ലിക്കിന്റെ ഭരണാധികാരികളായിരുന്ന ഡോജോകളുടെ രാജധാനിയായ ഡോജോ പാലസ് ഇന്നും ഒരു വിസ്മയമാണ് ! . ആ കൊട്ടാരമുറ്റം നിറയെ പ്രാവുകൾ കയ്യടക്കിയിരിക്കുന്നു. കായലിന് തൊട്ടപ്പുറത്ത് ഉച്ചവെയിലില്‍ തിളങ്ങുന്ന ശാന്തമായ കടൽ ഏറെ നയനാനന്ദകരം! വെനീസിലെ സൂര്യാസ്തമയത്തിന്റെ വര്‍ണ്ണരാജികള്‍ നമ്മുടെ കണ്ണുകള്‍ക്ക് വിരുന്നൊരുക്കുന്നതാണ്. വൃത്തിയും ഭംഗിയുമുള്ള നഗരം നിറഞ്ഞൊഴുകുന്ന ഇടത്തോടുകളാലും ഓളപ്പരപ്പിലൊഴുകുന്ന വഞ്ചികളാലും സുന്ദരമാണ്. വെനീസിൻ്റെ ആ മനോഹാരിതതയും ആലപ്പുഴയുമായുള്ള സാമ്യവും കണ്ടു കൊണ്ടാണ് വൈസ്രോയിയായ കഴ്‌സന്‍പ്രഭു ആലപ്പുഴയെ കിഴക്കിന്റെ വെനീസ് (Venice of the East) എന്ന് വിശേഷിപ്പിച്ചത്. ഇറ്റലിയുടെ പറുദീസയാണ് വെനീസ് നഗരം. ആലപ്പുഴ നഗരവും കേരളത്തിന്റെ പറുദീസയാകട്ടെ എന്ന് പ്രാര്‍ത്ഥിക്കാം. പ്രൊഫ ജി ബാലചന്ദ്രൻ. ‘ (ഇന്നലെയുടെ തീരത്ത് )

Share Post

Leave a Comment

Your email address will not be published. Required fields are marked *

Recent Post

വി കമലാസനൻ, പാർവ്വതി,തത്തംപള്ളി: ‘ഇന്നലെയുടെ തീരത്ത്’ വായിച്ചവസാനിപ്പിക്കുമ്പോള്‍ മനസ്സില്‍ പ്രതിധ്വനിച്ചത് സാനുമാസ്റ്ററുടെ നിരീക്ഷണമാണ്. ആത്മകഥ എന്ന സാഹിത്യവിഭാഗത്തിലൊതുങ്ങുന്നതല്ല രസപ്രദമായ ഈ ഗ്രന്ഥം. സാഹിത്യത്തിന്റെ നിര്‍ണ്ണീതമായ എലുകാവിവക്ഷകള്‍ക്കൊന്നും വിധേയമായിട്ടല്ല, ആഖ്യാനഗതി. എന്നാല്‍ കൃത്രിമമായി സാഹിത്യചാരുത ചേര്‍ക്കാനുള്ള

താൻ എഴുതിയ തൻ്റെ ജീവനചരിതമാണ് ആത്മകഥ. അന്നോളമുള്ള ജീവിത സർവ്വസ്വത്തേയോ പ്രമുഖ ഭാഗത്തേയോ ശകലങ്ങളേയോ വിനിയോഗിച്ച് അയാൾക്ക് ആത്മകഥ എഴുതാം. താൻ ജീവിച്ചതൊക്കെ മറ്റുള്ളവരുമായി വാങ്മയ കലയിലൂടെ പങ്കു വെയ്ക്കലാണ് ആത്മകഥ. വിപുലമായ സാംസ്കാരിക