കേരളം ഒരു ഭ്രാന്താലയമാണ്- സ്വാമി വിവേകാനന്ദൻ –



130 വർഷം മുൻപ് വിവേകാനന്ദ സ്വാമികൾ കേരളത്തിലെ സ്ഥിതി കണ്ട് പറഞ്ഞത് കേരളം ഒരു ഭ്രാന്താലയമാണെന്നാണ്. അതിഭയങ്കരമാണ് കേരളത്തിലെ ഇന്നത്തെ സ്ഥിതിയും. ആഭിചാരക്രിയകളും അന്ധവിശ്വാസവും മന്ത്രവാദവും കൂടോത്രവും മനുഷ്യക്കുരുതിയും മാവേലിയുടെ നാട്ടിൽ പത്തിവിടർത്തിയിരിക്കുന്നു. എത്ര എത്ര അനാചാരങ്ങളും കൊലപാതകങ്ങളുമാണ്. ഇങ്ങനെയുമുണ്ടോ അരും കൊലകൾ. ഐശ്വര്യത്തിനു വേണ്ടി, പണത്തിനു വേണ്ടി, ശത്രുതയ്ക്കു വേണ്ടി, രാഷ്ട്രീയത്തിനു വേണ്ടി കുട്ടക്കൊലയും സ്ത്രീ കുരുതിയും ശിശുഹത്യയും മുടിയഴിച്ചാടുകയാണ്.
ഇത്തരം കൊലകൾ വടക്കേന്ത്യയിലാണ് കൂടുതൽ നടന്നിരുന്നത്. ഇതിന് ഒരറുതി ഉണ്ടാകണമെങ്കിൽ ദുർമന്ത്രവാദത്തിനും ആഭിചാരത്തിനും മനുഷ്യക്കുരുതിയ്ക്കും എതിരെ ശക്തമായ നിയമ നിർമ്മാണം ഉണ്ടാക്കണം.
തിരുവല്ല ഇലന്തൂരിൽ നടന്ന പൈശാചീകമായ നരഹത്യയും നരഭോജനവും അറിഞ്ഞ് നമ്മളാകെ ഞെട്ടിത്തരിച്ച് നിൽക്കുകയാണ്. ദുർമന്ത്രവാദത്തിന്റെ പേരിൽ ഒഴുക്കിയ ചുടുചോര കേരള മണ്ണിനെ രക്തപങ്കിലവും കളങ്ക പങ്കിലവുമാക്കി. മനുഷ്യൻ ചെകുത്താനാകുന്നതിന്റെ വാർത്തയും ചിത്രങ്ങളുമാണ് നാം കണ്ടത്. ഇങ്ങനെയും ഉണ്ടോ ഒരു നരബലി. രണ്ട് സ്ത്രീകളെ ക്രൂരമായി കൊന്ന് അവരുടെ ശരീരാവയവങ്ങളെ വെട്ടിനുറുക്കി അതിൽ നിന്നു വാർന്ന ചോര വീടിനു ചുറ്റും തളിച്ച് നിർവൃതി കൊണ്ട കൊലയാളികളെ മാതൃകാപരമായി ശിക്ഷിക്കണം.കുടത്തായിയിൽ നടന്ന കൊലയും സർപ്പത്തെ കൊണ്ട് കൊത്തിച്ച് ഭാര്യയെ വധിച്ചതും സ്ത്രീധനത്തിന്റെ പേരിൽ നടന്ന കൊലകളും കേരളത്തിൽ തുടർക്കഥകളാവുകയാണ്. ഇത്തരം സംഭവങ്ങൾ ഇനിയും ഇവിടെ ആവർത്തിക്കരുത്.

വിവേകാനന്ദ സ്വാമികളുടെ ദീർഘ ദർശനം പ്രസക്തമാണ്.

പ്രൊഫ.ജി.ബാലചന്ദ്രൻ

Share Post

Leave a Comment

Your email address will not be published. Required fields are marked *

Recent Post

വി കമലാസനൻ, പാർവ്വതി,തത്തംപള്ളി: ‘ഇന്നലെയുടെ തീരത്ത്’ വായിച്ചവസാനിപ്പിക്കുമ്പോള്‍ മനസ്സില്‍ പ്രതിധ്വനിച്ചത് സാനുമാസ്റ്ററുടെ നിരീക്ഷണമാണ്. ആത്മകഥ എന്ന സാഹിത്യവിഭാഗത്തിലൊതുങ്ങുന്നതല്ല രസപ്രദമായ ഈ ഗ്രന്ഥം. സാഹിത്യത്തിന്റെ നിര്‍ണ്ണീതമായ എലുകാവിവക്ഷകള്‍ക്കൊന്നും വിധേയമായിട്ടല്ല, ആഖ്യാനഗതി. എന്നാല്‍ കൃത്രിമമായി സാഹിത്യചാരുത ചേര്‍ക്കാനുള്ള

താൻ എഴുതിയ തൻ്റെ ജീവനചരിതമാണ് ആത്മകഥ. അന്നോളമുള്ള ജീവിത സർവ്വസ്വത്തേയോ പ്രമുഖ ഭാഗത്തേയോ ശകലങ്ങളേയോ വിനിയോഗിച്ച് അയാൾക്ക് ആത്മകഥ എഴുതാം. താൻ ജീവിച്ചതൊക്കെ മറ്റുള്ളവരുമായി വാങ്മയ കലയിലൂടെ പങ്കു വെയ്ക്കലാണ് ആത്മകഥ. വിപുലമായ സാംസ്കാരിക